24 May 2016

How to file Online RTI in hindi

Suchna ka Adhikar ki puri jankari hindi me

RTI ya Right to information jise hindi me suchna ka adhikar bhi kaha jata hai ye ek aisa tool hai jiska upyog india ka koi bhi nagrik kisi bhi Government department se kisi bhi tarah ki information lene ke liye kar sakta hai(Sensitive Information ke alawa). 
Suchna ka adhikar yani RTI aap online or offline dono tarah se daal sakte hai lekin iss post me apko online RTI kaise dalte hai bataya jaega. bahut se log RTI sirf isliye nahi dalte kykoi unhe iss bare me information nhi rahti ki RTI Online file kaise karte hai, unhe lagta hai ki RTI yani suchna ka adhikar file karna bahut hi muskil process hogi lekin aisa nhi hai agar apko internet ki basic knowledge hai to aap ashani se online RTI file kar sakte hai. shuruwat me RTI file karna thora muskil tha lekin ab Govt ne ise kafi ashan bna diya hai.
Isliye agar aap RTI file karne ki soch rahe hai to iss post me btaye simple steps ko follow kare or RTI file kare.



RTI file karne se pahle jo bhi information hai use notepad me save kar le or yaad rahe puri jankari provide kare nhi to, incomplete information ke karan apki RTI Reject ki ja sakti hai.

1- Online RTI ki website me Register kare -

Online RTI yani suchna ka adhikar file karne ke liye website - https://rtionline.gov.in/ hai. Website ko open karne ke bad sign up me click kare, ab apke samne registration page open ho jaega. ab iss registration form me puchi sari basic information fill kare.

suchna ka adhikar

Basic detail fill karte samay Mobile no or email add ko theek se check kar le kyoki RTI information se related sara communication isi phone number or email add se hoga.
iske bad jab saari detail fill karne ke bad aap submit par click karenge to apke email add me ek confirmation mail aega jisme apko activation code bheja jaega iss activation code ko apko submit par click karne ke bad jo page open hua usme fill karna hai. Ab aap RTI ki website me Register kar chuke hai.

2- Request Form fill kare - 

Ab apko apke dwara bnaye gye username or password se login karna hai, login button press karne ke bad apko Submit Request par click karna hai.


Submit Request karne ke bad apke samne Request form open ho jaega. Request form me Ministry/Department fill karte samay ye dhyan rakhe ki Ministry ya Department apne correct fill ki hai. yani aap jis Department ya Ministry ko RTI file karna cahate hai usse related Ministry ya Department hi fill kare.


Iske bad baki jankari ko bhi carefully fill kare agaar aap jyada information ke liye koi Document bhi RTI Application ke sath bhejna cahate hai supporting documents me click kar file upload kar sakte hai.

Ab puri information fill karne ke bad apko Submit par click karna hai ab apki request submit ho chuki hai lekin abhi process complete nhi hui hai.


Online Payment kare - 

Apke dwara fill ki hui RTI tab tak incomplete hai jab tak apne uske liye payment nhi kiya isliye ab apka next step hai fee pay karna jo ki Rs.10/- hai jise aap Net Banking or Credit/Debit card se kar sakte hai.

Jaise hi apka payment successful ho jata hai to apko apke email or mobile phone par SMS prapt hoga ki apka payment successfully receive kar liya gya hai.

RTI file karne ki apki process puri ho chuki hai,ab aap apna status kabhi bhi Online RTI Website me jakar check kar sakte hai, iske liye aap Online RTI Website me login karne ke baad View Status me click kare. Agar apki RTI process me kuch extra fee lag rahi hai to uski jankari apko email or SMS ke dwara de di jati hai iske alawa aap regular status bhi online check kar sakte hai.

RTI ke Response ka wait kare - 

RTI fill karne ke bad apko RTI yani Suchna ka Adhikar ke Response ka wait karna hai, Waise response ane me 30-40 din ka samay lag sakta hai. Agar apko 30-40 din bad bhi koi response nhi ati to aap Online RTI Website me login karke First Appeal Submit kar sakte hai.


Jaroori Jankari - 

Online payment karne ke bad apko jo Unique Registration Number prapt hua hai use apne paas sambhal ke rakh le, iski jaroorat apko age pad sakti hai.

Tags -
#RTI in hindi
#suchna ka adhikar
Share:

0 comments:

Post a Comment